Kalendarga vazifalarni bajarishni rejalashtiring, bu holda siz boʻshashmay uni aniq oʻz vaqtida bajarasiz!
 
Haftasiga hech boʻlmaganda 1 ta vazifa bajarishga odatlaning.

Ish joyi, professional profilingiz va siz keltirayotgan foydani aks ettiradigan tarjimai holingizni shakllantiring. Uni ijtimoiy tarmoqlaringizda va ochiq akkauntlaringizda joylashtiring.
 
Bu siz aloqa qiladigan jurnalist va hamkorlaringiz uchun qulaylik yaratadi.

​

​

PR sohasiga oid lugʻatni yaxshilab oʻqib chiqing. Termin va slenglarni yaxshi bilishingiz shart, zero endilikda bu sizning tilingiz :)
 
Lugʻat havolasini saqlab qoling.

Oʻzingizga muvozanat gʻildiragini yarating.
Ishda muhim boʻlgan 6-8 ta fazilatni tanlang. Har birini 1 dan 10 gacha boʻlgan shkala boʻyicha baholang. Tanlangan fazilatlarni qanday yaxshilash mumkin?
 
Muvozanat gʻildiragi haqida batafsil oʻqish.
 
Qadamlarni rejalashtiring.

​

Kasbiy tajriba va sohangiz bilan bogʻliq boʻlgan kelasi yil tadbirlarini toping. Tasavvur qiling, siz ularga spiker sifatida taklif qilingansiz. Ma'ruza mavzulari, auditoriya va kompaniyangizga foydali boʻladigan tadbirlarni oʻylab toping. Asosiy gaplarni belgilab oling. Tashkilotchilarni toping va ularga mavzularni taklif qiling.

Agar siz soʻzga chiqmasangiz, unda buni tashkilotingiz spikeri uchun tayyorlang.

Biz mana shunday kalendar tuzdik.

​

Bayram kunlari aks etgan kalendarlar saytini oching va a) muhim tadbir va OAV uchun maqolalar generatori boʻlgan b) maqsadli auditoriyangiz, sohangiz yoki kompaniyangizga aloqador hisoblangan yiliga kamida 10 kunni aniqlashtirib oling.

Ushbu kunlarning har biri uchun kompaniyangizni targʻib qilishda yozishingiz mumkin boʻlgan maqolalar mavzularini yozib chiqing. Ushbu maqolalarni qaysi kanallarga taklif qilishingizni oʻylab koʻring. Uni taqvimingizga qoʻying.
 
Bu PR vositani nyusjeking yoki vaziyatli PR deyishadi. U haqida mana bu yerda oʻqing.

​

Siz ishlayotgan barcha mamlakat va madaniyatlar uchun muhim boʻlgan bayramlar roʻyxatini tuzing. Har bir bayram va mamlakat/madaniyat uchun kartochkalar tayyorlang (dizayner yoki SIga topshiriq bering). Matnlarni til va madaniyat “tashuvchilari” tomonidan tekshirtiring. Ijtimoiy tarmoqlarda yuboriladigan xatlarni, postlarni rejalashtiring.
 
 
Natijada siz uchun fikri muhim boʻlganlar soni qanchalik koʻp ekanligini bilasiz.

​

Oʻz keyslaringizni berishingiz mumkin boʻlgan tarmoq mukofotlari roʻyxatini tuzing. 1 yildan oshmagan keyslarni tanlang. Ularga nominatsiyalarni toping, byudjetni belgilang, oʻtkazish grafigini shakllantiring va eng yaxshi loyihalarni e'lon qiling.

Keysni qanday ta'riflash lozim.

​

​

​

​

​

​

​

Soʻzlashni oʻrganing. YouTube’dan nutq texnikasi boʻyicha video, nutq va ritorika boʻyicha onlayn kurs toping, har kuni oddiy nafas olib bajariladigan mashqlarni va artikulyatsiya qilishga odatlaning.

Bu sizning audio imijingizni yanada jozibador qiladi.

​

Kompaniyangizning savdo boʻlimidan uchrashuv tashkil etishni soʻrang. Ular sizga savdo hunini (voronkasini) chizib berishlari va eng murakkab kechadigan bosqichlar haqida ma'lumot berishsin. Qaysi mijozlarda?

Maqsadli auditoriyangizga ushbu bosqichlarni osonroq oʻtishga yordam beradigan mavzularni hamda kanallarni yozib oling. Sizga qaysi ma'lumotlar yetishmayapti?  Ularni qayerdan olishingiz mumkin?
 
Ushbu maqolalarni rejalashtiring.

​

SIdan ishda hali foydalanmayotgan boʻlsangiz, hech boʻlmasa ChatGP va MidJorney'ni oʻzlashtirishni boshlang. SI kundalik bajariladigan mayda ishlarni tartibga solishga va muhimroq vazifalar uchun vaqtni tejashga imkon beradi.

​

​

​

Oʻz jurnalistlar bazangizni yarating. Har bir satrni koʻzdan kechiring va u yerdagi ma'lumotning qanchalik dolzarbligini tekshiring. Lozim boʻlsa, tuzatish kiriting. Har bir jurnalistga boʻlim muharririni toping (agar unday boʻlsa). Bazaga qoʻshing.
 
Bu amaliyotni doimiy asosda qoʻllang, masalan, bir chorakda bir marotaba.

​

Tarmoq media roʻyxatini yarating, agar u allaqachon mavjud boʻlsa, uni oʻz bazangizga qoʻshing. Yoʻnalish qanchalik aniq belgilansa, kelajakda roʻyxat bilan ishlash siz uchun shunchalik osonroq boʻladi: IT, moliyaviy, sanoat, tibbiy va hokazo.

Instagram va hamjamiyat veb-sayti
                                                                                                                                                                                                                                                                                                                                                                                     

​

Jurnalistlar roʻyxati uchun tugʻilgan kunlar roʻyxatini tuzing. Siz bilgan har bir inson haqida bir nechta muhim soʻzlarni yozing. Uncha yaqin boʻlmaganlar uchun umumiy va yaqinlar uchun batafsilroq tabriknomalar tayyorlab qoʻying.

Messenjer yoki pochtada yuborishni rejalashtiring.

​

Kitoblar oʻqing. Kitoblar soni boʻyicha 1 yilga reja tuzing. Oʻqimoqchi boʻlgan kitoblar roʻyxatini shakllantiring. Faqat biznes kitoblar boʻlishi shart emas. Sizga yoqqan fikrlarni qogʻozga tushurib boring. Kitobni tugatgach, sharh yozing.
 
Bu sizga nafaqat oʻqiganlaringizni eslab qolish va tushunish, balki ijtimoiy tarmoq uchun kontent yaratib, sizni yaxshi tomondan koʻrsatishga imkon beradi.

​

Oʻz jurnalistlar roʻyxatingizni oling, ularni ijtimoiy tarmoqlarda toping, hammasiga a'zo boʻling.
 
 
Bu sizga ular qanday kontekstda yozishligini tushunish va ular bilan aloqani mustahkamlashga imkon beradi.

​

Hamma oldingi yilgi PR hisobotlaringizni yigʻing va ulardan 1 tadan koʻp keys tayyorlang. Ularni ilgari surish uchun qaysi kanallardan foydalanishingizni oʻylab koʻring.
 
Nimaga ular?
 
Materiallar rejalarini tuzing va ushbu keyslarni ushbu kanallarda chop etish yoʻlini toping.

Siz ikki tilli mamlakatda yashaysizmi? Qozogʻiston, Oʻzbekiston, Qirgʻiziston yoki boshqasida? Uning ona tilini oʻrganishga harakat qiling (agar bilmasangiz). Zero siz 2 tilda press-relizlar yuborishingiz, muloqot qilishingiz va jurnalistlarning savollariga javob bera olishingiz kerak boʻladi.

​

Sizni professional va kompaniyangizni professional yetishib chiqadigan joy qilib koʻrsatadigan professional postlar mavzularini oʻylab koʻring va yozing. Kamida chorak uchun. Bu sizning standart kontentingizga qanday mos kelishi haqida oʻylab koʻring. Ushbu postlarda taxminan nima berilishini yozib oling. 1-2 ta tayyor post yozing.
 
Materiallarni rejalashtirib qoʻying.

Bunga bir oyda kamida 1 marta qayting.

Faoliyatingiz toʻgʻrisida hisobot tayyorlashdan oldin kompaniyadagi ishingiz kimga foyda keltirishi haqida oʻylab koʻring. Hisobotga qilingan ishlar ular uchun qanchalik foydali ekanligini tushunishga yordam beradigan  ma'lumotlarni kiriting. Uchrashuv belgilashni soʻrang va unga tayyorgarlik koʻring.
 
Hisobot va ishingizni “soting”. Qayta aloqa oʻrnating. Bu bilan keyin yana nima qilishni xohlayotganingizni oʻylab koʻring.

Oʻtgan chorak uchun hisobotlaringizni oling, barcha maqolalarni koʻrib chiqing. Qamrov va oʻzaro ta'sirlarni oʻlchang. Nima uchun ular bunday ekanligi haqida oʻylab koʻring. Qanday qilib yaxshiroq natijalarga erishish mumkinligi haqida 5 ta fikrni yozing. Bunga qanday erisha olardingiz? Siz boshqa takrorlamaydigan 5 ta misolni yozing.
 
Nima uchun?
 
Chorakda bir shunday qiling.

Oʻtgan chorak uchun hisobotlaringizni oling, barcha maqolalarni koʻrib chiqing. Ularning qaysi birida xabaringiz imkon qadar toʻliq yetkazilgan va qaysi birida notoʻgʻri?

Xabarlar aniqroq yetkazilishi uchun pitchlarda, jurnalistlar bilan ishlashda yoki materiallar tayyorlashda nimani oʻzgartirish kerakligini oʻylab koʻring. Bunga qanday qadamlar bilan erishishingiz mumkin?

​

Oʻtgan chorak uchun hisobotlaringizni oling, barcha maqolalarni koʻrib chiqing. Har biri kompaniyangizga biznes maqsadlarga erishishga qanchalik yordam berishiga qarab 1 dan 5 gacha boʻlgan ballarni qoʻyib chiqing (obroʻ-e'tibor, sotuvlar, kompaniya narxi va h.k.).
 
Oʻylab koʻring, bu bilan nima qilmoqchisiz?

PR faoliyatingizni optimallashtirish uchun turli xil aloqa strategiya modellarini oʻrganing.

Biz PESOni sevamiz, u haqda bu yerda oʻqishingiz mumkin.

Modellar koʻp, oʻzingiznikini tanlang va PRdan maksimal foydalaning.

Oʻtgan tadbir ma'lumotlari boʻyicha press-reliz yozing. Eski va yangi press-relizni yonma-yon qoʻying. Nima oʻzgardi? Sizga qaysi biri koʻproq yoqdi? Nima uchun?

Bu sizga nimani oʻrgatdi?

Press-reliz koʻnikmasini charxlash vaqti keldi. “A dan YAgacha press-relizlar” kitobini oʻqing, ishingizda qoʻllaydigan 10 ta insaytni yozib oling. Ushbu insaytlarni qoʻllab, reliz yozib koʻring. Masalan, Qozogʻiston shaharlarining birida Navroʻzni qanday nishonlashgani haqida. PR-kurs chatida natijasini muhokama qiling.                                                                                                                                                                                                                                                                                                                                                                                                                                                                          

Tahlil uchun xabar yarating. Tahlilchilaringizdan mijozlar haqidagi ma'lumotlardan qandaydir xulosa soʻrang. Qonuniyatlarni toping va ulardan mavzu oʻylab toping. Misol uchun, ”Pandemiya boshlangach, odamlar koʻproq eya boshladilar” - agar sizda oʻrtacha oziq-ovqat buyurtmasi haqida ma'lumot boʻlsa.
 
Oʻz tahlilingiz boʻlmasa, qoʻrqinchlik emas. Onlayn soʻrov oʻtkazing yoki ochiq manbalardan tahlillarni oling va sharhlang.

​

Ishda bilvosita yordam berayotgan vositani professionalroq darajada oʻzlashtiring (excel, google alert, bepul taqdimot resurslari imkoniyatlari) va bunga hamkasblarni ham oʻrgating.

Yil davomida chop etilgan barcha maqolalarni toʻplang. Sherik yoki manfaatdor tomonlaringizdan qaysi biriga qancha ish qilinganligini bilish foydali? Dayjest yarating. Uni kim uchun  muhim boʻlsa, oʻshalarga yuboring/yetkazing/taqdim eting. Dayjest ijtimoiy tarmoqlardagi postga tortyaptimi? Keyslargachi? Mukofotgacha?
 
Olgʻa.

Matn. Agar siz PR mutaxassisi boʻlsangiz, unda siz matnlar bilan tez-tez va koʻp ishlaysiz.
 

Ushbu maqolada matnlarni yozish boʻyicha foydali fikrlar bor, oʻzingiz uchun asosiylarini yozib oling, ulardan ishingizda foydalaning!

Oʻtgan chorakda shov-shuv boʻlgan 5 ta holatni toping. Masalan, TikTok, ClubHouse yoki ChatGPT. Ulardan hoziroq oʻzingiz yoki kompaniyangiz uchun foydalanishni boshlang. Nima ishlayotganini va nima ishlamasligini oʻzizda sinang, buni tijorat loyihasi uchun qanday qoʻllashni oʻylab toping, kerakli natija va samara, byudjet va resurslar haqida fikrlab koʻring.

Bundan qanday keys chiqadi? Bu bilan rahbariyatga bora olasizmi? Boring.

​

“Koʻrish” qobiliyatini rivojlantiring, piar, reklama va marketing olamiga har tomonlama shoʻngʻing. Bu koʻnikma “bilimlarning ichki bazasini” toʻldirib, nima uchun qaysidir mahsulotlar boshqasidan yaxshiroq ishlashini anglash, trendlarni tushunish, gʻoyalarni tezroq shakllantirish, vazifalarga kutilmagan yechim topishga yordam beradi.
 
Koʻrish qobiliyati qanday rivojlantiriladi?
- Vizual tajribani oshiring: miyangizni yangi va chiroyli unsurlar bilan boyiting.
- Kreativ kechalardan yangi shaxslar bilan tanishing. PR va reklama bozorida nima boʻlayotgani borasida axborot almashinuvi aynan oʻsha yerda yuz beradi.
- Ijtimoiy tarmoqlarda vaqtni unumli oʻtkazing. PR mutaxassislari, prodakshnlar, agentliklar akkauntlarini kuzating, fikr yetakchilariga obuna boʻling.
- Foydali resurslarni oʻrganishga vaqt ajrating: kitoblar oʻqing, filmlar koʻring va malakangizni oshiring. 
 
Va eng muhimi, ijodiy salohiyatingizni maksimal darajada oshiring: nutq va muloqot qobiliyatingizni rivojlantiring, aktyorlik va oʻquv kurslariga qatnang va fikrlaringizni kreativlikka yoʻnaltiring.

​

​

OAVning 7 ta telegram kanaliga obuna boʻling. Bu dunyo va sohaning asosiy voqealari, global tendensiyalar va tahririyat xodimlarining fikri bilan tanishishning eng qulay va tezkor usullaridan biridir.

Tahririyatimizning telegram kanaliga obuna boʻling va PR, marketing va reklama mavzularidagi materiallar anonslari bilan birinchilardan tanishing!

​

Inqirozga qarshi yigʻmajild yarating. Aloqa inqirozi har doim toʻsatdan yuz beradi va undan qanday chiqib ketishingiz sizning tayyorgarligingizga bogʻliq.

Ushbu chek-varagʻi boʻyicha oʻzingizni bir necha kunda tayyorlashingiz mumkin.

​

​

Tartib haftasi. Loyihalar yuritish vositasini tanlang, unga barcha vazifalaringizni kiriting va muddatlarni qoʻying.

Vositalar juda koʻp, biz sizga Notion (katta funksionallik, loyihalarni yuritish, grafikalar qoʻshish imkoniyati), Todoist (juda oddiy vazifa menejeri) yoki Trello (biroz  kengaytirilgan vazifa menejeri)ga e'tibor qaratishni maslahat beramiz.

​

SEO tahlilning bepul vositasini toping. Asosiy raqobatchilaringiz qaysi kalit soʻzlardan topilishini tahlil qiling.

Matnlaringizda siz qoʻllamaydigan, ammo qoʻllash maqsadga muvofiq boʻlgan soʻzlarni haqida oʻylang.

Tahlil haftasi. Ishingiz biznesga qanchalik ta'sir qilayotganini Google Analytics hisobotlari va Yandeks.Metrikada koʻrsa boʻladi. Agar sizda undan foydalanish imkoniyati boʻlmasa, uni kompaniya marketologidan soʻrang. Siz qilgan ish sayt statistikasida qanday aks etganini tekshiring.

Agar foydalanish imkoni boʻlmasa, Google Trends/WordStat qidiruv tizimlarini koʻring. Xulosa qiling.

​

Oʻzingiz/mijozingizning maqolasi qaysi 3 ta mediada chop etilishini xohlashingizni yozing. Avval bunga nima toʻsqinlik qilganini oʻylab koʻring, kerakli rukn va mavzularni hamda ularning jurnalistlarini tahlil qiling va buning asosida mavzular roʻyxatini tuzing. Birinchi martadan oʻxshamadimi?

Nima uchunligini yozib oling. Bu toshni charxlashni davom eting. Birinchi martadan boʻlmasada, buni albatta uddalaysiz.

Portfolioli sayt yarating: ishlar, keyslar, xizmatlar va h.k.

Unga chiqishlar va maqolalar boʻlimini kiritish esdan chiqmasin.

Agentligimiz asoschisi Aleksandr Lixtmanning saytidan ilhom olsangiz boʻladi.

​

Oʻtgan yil davomida yaratgan va turli sabablarga koʻra chop etilmagan barcha kontentingizni toʻplang. Maqsadlaringizga erishishda u yanada dolzarb boʻlishi uchun bugun uni qanday oʻzgartirish kerakligini oʻylab koʻring.

Nimani oʻzgartirish koʻproq, nimani oʻzgartirish kamroq vaqt talab qiladi? Undan qanday foydalanishingiz mumkin? Reja tuzing, kalendarga kiriting, chop etishni boshlang.

​

Aloqa sohasidagi jahon mukofotlari gʻoliblari haqidagi maqolalarni toping va oʻqing. Mahsulotingizga moslashtira oladigan barcha gʻoyalarni yozib oling. Umuman boshqa biznes gʻoyalari sizda ham ajoyib natija berishi mumkin.

Masalan, Christmas calendar haqida eslang. Bu gʻoya xalq an'analaridan olingan va bir necha yillardan beri oʻyin, goʻzallik va boshqa sohalarda mashhur.

Quyidagi kanallarga albatta obuna boʻling:

• ITCOMMS – ITda PR, trend va keyslar

• PR.UZ – Oʻzbekistondagi reklama haqida

• Tribune.kz – Qozogʻistondagi marketing haqida

• PR room – Qozogʻistondagi tarmoq hamjamiyatidan PR

• Oʻzbekiston marketing assotsiatsiyasi – Oʻzbekistondagi marketing haqida
   

Marketing, PR, kreativlik boʻyicha 5 ta telegram kanalga a'lo boʻling. Odatda bunday kanallar trend voqealar yoki muhim xabarlar haqida birinchilardan yozishadi.

​

Vaziyatga har xil tomondan qarashga oʻrganing. “Vinni Pux” multfilmi esingizdami? Bir qismida eshakcha Ia dumini yoʻqotgandi. Bu haqida yangilik yozing (sarlavha, lid, asosiy matn) va unga toʻrtta guvohning har biridan – ayiq, choʻchqacha, boyoʻgʻli, eshakchadan iqtibos qoʻshing (har bir iqtibos uchun kamida 500 ta belgi).

​

​

​

​

​

​

​

Kompaniyangiz mahsulotining oʻzingizga notanish boʻlmagan kamida 10 ta foydalanuvchisini toping va ular bilan suhbatlashing. Savollarni shakllantiring, ularga javoblar sizga loyihalarni, mazmunni yaratishda yordam beradi (va balki mahsulotni umuman takomillashtirishda?).

Taxminiy savollar: nima uchun ular sizning mahsulotingizni tanladilar; sizning mahsulotingiz bilan ular qanday ehtiyojlarni qanoatlantiradi; mahsulotingizning qaysi kuchli va qaysi zaif tomonlarini sanab oʻtishlari mumkin; mahsulotingiz haqida qayerda oʻqishlari mumkin yoki oʻqiyotgandirlar va hokazo.

PR va kommunikatsiya haqida kitobingizni yozishni boshlang. Buni oʻxshash mavzuda oʻnlab kitoblar yozilgan boʻlsa ham qiling. Sizning kitob – bu sizning kitobingiz. U, albatta, noyob boʻladi.

Patlarni tarash haftasi. Garderobingiz va tashqi koʻrinishingizga stilistning koʻzlari bilan qarang. Potensial ish beruvchilar, sheriklar yoki tarmoq kechasida qanday timsolni yaratmoqchisiz? Kutilayotganlar haqiqatga yaqinmi?

Shunday boʻlsa, timsolingizni qanday yaratganingiz haqida post yozing. Agar yoʻq boʻlsa, uslubingizni toping va oʻzingiz yoki mutaxassislar yordamida imijingizni yarating. Ha, aytgancha, bu haqda post yozing :)
 

Ushbu maslahatni mehnat ta'tilingizga qoldiring. Mehnat ta'tilida sizni qanday masalalar boʻyicha bezovta qilishi mumkinligini oʻylab koʻring. Ulardan qay birining oldini olish mumkin? Buni qiling.

Siz oldini ololmaydigan jihat qanchalik qaltis? Aniqmi? Tasavvur qiling, bu siz dam olayotganingizda bir haftacha kutib turadi. Chuqur nafas oling hamda pochta va telegramsiz mehnat ta'tiliga otlaning. Dam olish muhim!

Sizga yanada obroʻli mutaxassis boʻlishga yordam beradigan ta'limni rejalashtiring. Balki bu SI, SMM yoki grafik dizayn boʻyicha kurslardir.

Umuman noodatiy sohaga oid OAVni hafta davomida oʻqing (masalan, IT sohasida ishlasangiz madaniyat yangiliklarini oʻqing). Materiallarning qaysi formatlari va xabar turlarini ishingizda qoʻllash mumkinligini oʻylang.

2025 yilga oʻsish rejasini tuzing. Rivojlantirmoqchi boʻlgan koʻnikmalaringizni, egallamoqchi boʻlgan bilimlaringizni, amalga oshirmoqchi boʻlgan loyihalaringizni yozing.

Til oʻrganishni boshlang yoki davom eting. Ilova, soʻzlashuv klublari yoki kurslardan foydalaning. Til bilish nafaqat rezyumega ballarni qoʻshadi, balki miyani ham rivojlantiradi.

YouTube bloki yoki telegram kanal yarating va uni faol yuriting.  Ekspertlik haqida yangi maydonlarda gapirib bering.

Kommunikasiya kurslarini ingliz tilida Coursera, Google, LinkedIN maydonlarida oʻting.

Bu orqali ingliz tilini bilish darajangizni koʻtarasiz va koʻpgina foydali maslahatlarni olasiz.

Barselona tamoyillarini oʻrganib chiqing. Bu Mediaoʻlchamlar va kommunikatsiyalarni baholash xalqaro assotsiatsiyasi (AMEC) tomonidan ishlab chiqilgan PRning oʻlchovliligi boʻyicha mashhur va xalqaro miqyosda tan olingan qarashlardan biridir.

Tamoyillar haqida batafsilroq.

​

Shaxsiy brendni rivojlantirishni boshlang.

Nimadan boshlash lozim? Shaxsiy brendni rivojlantirish boʻyicha yoʻriqnomani oʻqing.

PR keyslari va bilimlarining 5 ta muhim xorijiy yoki mahalliy manbalarini toping.

Ularga obuna boʻling va muntazam ravishda oʻqib boring hamda har safar oʻzingizdan soʻrang: "Buni ishimda qanday qoʻllashim mumkin?”

Google Alerts monitoring va xabarnoma xizmatidan yoki sizni qiziqtirgan mavzularni kuzatishning boshqa usullaridan foydalanishni boshlang.

Google Alerts – bu bloglar, yangiliklar va ijtimoiy tarmoqlardagi eslatmalarni kuzatish uchun bepul funksional vosita.

​

Kontentni tarqatish ishingizni maqsadli auditoriyaga yetkazishning eng muhim bosqichlaridan biridir.

Har bir materialning salobatini oshirish va foydalanuvchi diqqatini qaratishga doir marketing jangida gʻalaba qozonishning 84 usulini bilib oling - bu yerda oʻqing.

​

Mentorni toping. Bu PR sohasida sezilarli muvaffaqiyatlarga erishgan yoki kompaniyangiz faoliyat yuritadigan sohada yoki siz rivojlanmoqchi boʻlgan jabhada yutuqlarga erishgan shaxs boʻlishi mumkin. Sizga toʻgʻri kelishi mumkin boʻlgan odamlar, hatto siz murojaat qilishga qoʻrqadigan shaxslarning roʻyxatini ham yozing.

Ularga ijtimoiy tarmoqlarda obuna boʻling, har biriga qisqacha kirish va soʻrovingiz bilan potensial murabbiylik haqida xat yozing.

​

Raqobatchilarni PRdagi faolligi nuqtai nazaridan oʻrganing, a) eng koʻp rezonansga sabab boʻlgan materiallarni va b) siz hech qachon ishlatmagan yondashuvdan foydalanilgan materiallarni toping - nostandart kollaboratsiya, kutilmagan storitelling, nostandart yondashuvlar yoki kanallar, mardonavor ijodkorlik va boshqalar.

Ushbu materiallarda siz uchun nima muhim boʻlib tuyulganini, ular sizga nimani oʻrgatishini va bu bilimlarni ishingizda qanday qoʻllashingiz mumkinligini yozing.

Netvorkingni e'tibordan chetda qoldirmang. Notanish odamlar bilan muloqot qiling.

Qiziqishlar/qadriyatlar/soha boʻyicha hamjamiyatni toping. Balki bu biznes-klub, onlayn hamjamiyat boʻladi. Yoki Random coffee’ga kiring. Uchrashing va qiziqing.

LinkedIN orqali boshqa mamlakatlardagi professional hamkasblar bilan muloqot qiling.

Shu tarzda dunyoqarashingizni kengaytirasiz. Empatiya va kommunikatsion koʻnikmalar rivojlanadi.

​

Foydalanuvchilarni ambasadorlarga aylantiring. Mijozlar bilan gaplashing va ularning roziligini olib, real insonlar tarixini yozing (yoki kompaniyalardagi insonlarni).

Bunda ular mahsulotingizdan qanday foydalanayotgani, hayoti qanday oʻzgargani, ular nimaga erishganini yozing.  Buni OAVda yoki shaxsiy kanallarda joylashtirib boring. 

PRda storitellingga misol.

​

Kursimizdan ilhomlanib, tarmoq va hamkasblaringiz uchun qanday foydali material qilishingiz mumkinligini oʻylang. Bu yoʻriqnoma, chek-varagʻi va hokazolar boʻlishi mumkin.

​

Formatni tanlang – matnli yoki grafik, uni qanday tarqatishingizni oʻylang.

​

Butun dunyoga mashhur boʻlgan brend haqida kamida 3 ta filmni koʻrishni rejalashtiring va tomosha qiling. Masalan, “Ijtimoiy tarmoq”, “Silikon vodiysi qaroqchilari”, “Jobs. Vasvasa imperiyasi”, “Asoschi”, “Akalar dueli. Adidas va Puma tarixi” va h.k.

​

Ularning tarixidan ilhomlanib, kuchi nimada boʻlganligini shakllantirib koʻring. Sizning kuchingiz nimada?

​

​

Vazifa yaqinda paydo boʻladi

​

​

​

​

​

​

​

​

​

​

​

​